කොලඹ ආනන්ද කුමාරස්වාමි මාවත නෙලුම් පොකුණ මාවත යනුවෙන් යලි නම් කිරීම ගැන සමහරුන්ට මහත් රුදාවක් හැදී තිබේ. මේ ගැන මුලින්ම විරෝධය පෑවේ ,ඇටමැස්සාට මතක හැටියට නම්, ආචාර්ය මයිකල් ප්රනාන්දු ය. ඉන්පසු ධර්මසිරි බණ්ඩාරනායක වැනි තව කිහිප දෙනෙක්ම මේ ගැන තම විරෝධය පෙන්වා තිබිණි.
ඔවුන් කියන්නේ ශ්රී ලංකාවේ විසු විශිෂ්ටතම බුද්ධිමතෙක් වන කුමාරස්වාමි මහතාගේ නම වෙනුවට එම මාර්ගය නෙලුම් පොකුණ මාවත යනුවෙන් නම් කිරීම ඔහු කල මෙහෙය අවප්රමාණ කිරීමක් බවයි. ඒ මහා බුද්ධිමතාට කල අවනම්බුවක් බවයි.
අපට නම් සිතෙන්නේ මේ මහත්වරුන් කරුණු හරි හැටි අවබෝධ කර නොගෙන කථා කරන බවයි.
කොළඹට තදාසන්න නගරයක වීදියක් පසුගියදා නම් කලේ රාජ්ය නායකයා වෙනුවෙන් වන්දිබට්ටකමේ යෙදෙමින් ගීතයක් ගැයු සහේලි ගමගේ නම් වූ ගායිකාව වෙනුවෙනි. එපමණක් නොව රට පුරා ඇති මාවත් , පටුවත් , වීදි හා අඩි පාරවලට පවා නම් යොදා ඇත්තේ අදටත් ජීවත් වෙමින් මහජන මුදල් ගසා කන දේශපාලුවන්ගේ , උන්ගේ ඇඹනියන්ගේ , උන්ගේ ගෙවල ඇති කරන බලු තඩියන්ගේ හා ඒ බල්ලන්ගේ කන්වල සිටින මැක්කන්ගේ පවා නම් වලිනි. සහේලි ගමගේ මාවත හා ආනන්ද කුමාරස්වාමි මාවත අතර ඇති වෙනස කුමක්ද?
ඉතින් එවැනි තත්වයක් තුල ආනන්ද කුමාරස්වාමි නම් වූ ඒ මහා විද්වතාගේ නම එම මාවතෙන් ඉවත් කිරීම ඔහුට කල මහා ගෞරවයක් නොවේද?
සටහන- තමන්ගේ නම් වලින් පාරවල්, වරායවල් ක්රීඩාංගන ආදිය නම් කරවාගෙන එයින් අමරණීය වීමට උත්සාහ කරන්නේ මිය ගිය පසු තමන්ව ඉක්මනින් අමතක කර දමන බව දන්නා මිනිසුන්ය.
kathandarakaraya
/ ජනවාරි 21, 2012See this stamp as well.
ඇටමැස්සා
/ ජනවාරි 21, 2012දැන් කාලේ නැති උනාට ,ලංකාවේ ඒ කාලේ කලගුණ දන්න මිනිස්සු ඉඳලා තියෙනවා කියලා නේද කතන්දරට කියන්න ඕනෑ වුනේ.
අබරන් සීයා
/ ජනවාරි 22, 2012අය්යෝ මෙයා සත පහය් නේ වටින්නේ … දැන් මුද්දර ඊට වැඩ ගණන් නේ මෙයා
```Outsider```
/ ජනවාරි 21, 2012කවුද අනේ මේ ආනන්ද කියන්නෙ.
ඇටමැස්සා
/ ජනවාරි 21, 2012ආනන්ද වික්රමගේ
tom and jerry
/ ජනවාරි 21, 2012ඕක දෙමළ නමක් නේද?
ජයශ්රී
/ ජනවාරි 21, 2012යුධ විරුවාගේ නම (දැන් ලියන) මහාවංශයෙන් ද මකා දමලලු!
Ravi
/ ජනවාරි 21, 2012දන්නවද ඔහෙල?..ඔය කියන ආනන්ද ගොයියගෙ තාත්ත දෙමලෙක්…ඒ මදිවට අම්ම පර සුද්දියක්, එහෙම එකෙක්ගෙ නමක් කවුද ඔය වාගෙ ප්රධාන වීදියකට දැම්මෙ කියල හොයල බලන්න නරකද පාරලිමේංතු කාරක සබාවක්වත් පත් කෙරුවොත්…එක එකාට පයිං ගහගෙන…එතනිං ගිහාම වතුර බෝතල් එහෙම විසික්ක කරල අහවර වෙලා නිකං ඉන්න වෙලාවට රැස් වෙලා මේ මහා දේස දොරෝහි කිරියාව ගැන හොයා බලන්න බැරුවාය….
ජයශ්රී
/ ජනවාරි 21, 2012පැහැදිලිවම රටකට ආඩම්බරයක් වන මෙවන් දාර්ශනිකයන් ජාතියට අමතකකරවීමට යත්න දැරීම අපරාධයක්.
http://en.wikipedia.org/wiki/Ananda_Coomaraswamy
අබරන් සීයා
/ ජනවාරි 22, 2012Ananda who…. ?
kirimama
/ ජනවාරි 22, 2012කාට හරි අපහාස කරන්න ඕන වුනාම පාරක් නම් කරනවා. පස්සේ ඒ බෝඩ් එකට කෙළ ගහලා යන්න පුලුවන්.. -සුගත්තය්යා
kirimama
/ ජනවාරි 22, 2012මධ්යකාලීන සිංහල කලා නමින් විශිෂ්ඨ පොතක් 1908 සම්පාදනය කරමින් වැලේ වැල් නැතිව උන් සිංහලයාට වැල් හොයා දුන්නාට කෙළවපිය මහරජෝ…!